حفيدتي مريام
من الذاكرة ومع نغمة التهليلة الجميلة
* * *
تـهـليـلـة جـدة
نامي يا أمي نامي
يا مهجة روحي وفؤادي
انت الأمل .. أنت الروح
وانت بلسم هالجروح
على لهفة قلبي حني
لاتخيبي لي أمالي
نامي يا قمري نامي
أنت زهرة في أيامي
وأحلى وردة ببستاني
انت السعادة بأحلامي
وعيونك وحي لإلهامي
وفيها بخبي أسراري
ونامي يا أمي نامي
ياكل أهلي وكل ناسي
وبسحرك والله هيماني
بدي منك نظرة عطف
ليفرح فيها هالقلب
وأحملك عجناح الشوق
وغرد لك بألحاني
ونامي يا عمري نامي
ياشحروره بسما بلادي
وغنوة جميلة لأشعاري
غردي لي مثل هالطير
بحبك أنا ولهانة
وطاير من برجه عقلي
وصوتك فرفح وجداني
نامي يا أمي نامي
لا ذبحلك هالحمامة
بضحك عليك لتنامي
روحي ياحمامة لاتخافي
وعلى جناح الشوق طيري
ووصلي سلامي لأحبابي
لا تحزني على أيامك
العمر بحسرته
وفرحه ماضي
نامت حبيبة قلبي
وارتحت أنا من ها اللبكة
والعمر ماعاد يتحمل
لابكي ولاهم ولا ضجة
ما بدو غير راحة هالبال
ليكمل مع هالمشوار
برأفة ولهفة وحنية
وتآلف للقلوب الهنية
تنطلع من هالمحنة
ونطرب على هالترنيمة
وتأخذنا في نومة هنية
وننام النومة الرضية.
نديرة&ج
ليست هناك تعليقات:
إرسال تعليق