في يناير 2011 كتبت قصيدة( عم حمزة1) وفي يناير 2013 كتبت ( عم حمزة 2 ) وهي هي بين يديكم الآن للذكري
(( عَم حَمزة 2 ))
=============
عَم حَمزة
مِن ينَاير
اللىِ عَدى
لأ ....اللىِ قَبلة
لِسة
قَاعد
فِى ... المِيدان
إنتُو
بَاين
تعرَفوة
كَنت ... قُولتلكم
عَلية
مِن
زَمان
بَس بَرضة نقول كَمان
عَم حَمزة
بَيَاع
جَرايد .. بَسكويت
وٌكَمان
لِبَان
فِى
عِيد مِيلاد ثَورة
يَناير
عَم
حَـمزة
كَان بِيقول لِنفسة
إنة
قَاعد
فى .... أمَان
كُل
إمُور
الدُنيا
هَدّيت كُل شيىء رِجع
مَكَانة
فِى .... المِيدان
كُل
طَوائف
الشَعب
رِضييت ..بِإنتِخَاب
حُر
وِ حَقيقى
لَحظة
فَارقة فِى الزَمان
عَم
حَمزة
وِهوه
قَاعد يتأمل جَرايدة
شَاف
وِشُوش
غِير ....الوِشُوش
نَاس
عَارفها
ونَاس
كَمان مَا تعرَفوش
شَاف
صِور
تشبة
صٌور .... الشَهَدا
عَ
الحِيطان
شَاف
وشُوش... بَس
فِيهَا
كِتير
رِتُوش
شَوهتها ..غَيرتها
ضَيعت
مَعنى
الأمَان
عَم حَمزة قَال
لِنفسة
دِى
وشُوش
مِش .... غَريبة
بَس
فَيها
حَاجات .. عَجيبة دِى
وشُوش
مِن
بَلدنا اللِى فِيها
إتوَلدنا
مِن
زَمان
شَاف كَمان الفِكر
غَايب
شَاف
حَاجات
غَيرت مَعني المَكَان
شَوِهت
أسم
الشهيد
لَوثت دَم الشهيد
إنتو
مِين
إنتو
نَاس أفكاركم غَريبة
وِالعَجيبة
إنتو
بِيننا مِن زَمان
عَم
حَمزة
وِهوه
قَاعد فِى الميدان
رَاح
بِعَقلة
يِتَرجم
تَفاصيل اللى عَدى مِن
الزَمان
وِلمَـا
عَقلة
حَط إيدة ... عَ الحَقيقة
شَب
لَب
قـام .... كَمان
و بأيدية
أبتدى
يِفرك .... عِينية
لمَا
شَاف
الصورة
كَاتمة
لَمَا شَاف الدُنيا
عَتمة
لَمَا
شـاف ... كابوس
وِلَابس
زِى
إسلَامنا
بَس مِش عَاقل
وِبيجيلة
نَوبَات
جِنَان
حَط صَبعة فِى
وِدَانة
لَجل
مَاينسى
وِعُود اللى وَعَدوا
بـَس
خَانوا
واللى ... فِى مُدة
مِش
كِبيرة
سَقطوا بَانوا
عَم حَمزة ... فَاق بِسرعة
بَص
فِى
شِمالة ...وِيمينة
إفتكر
كِلمة
شَهيد
هوه وأصّحابةكَانوا بيها
مِحَليفينة
يوم مَاقَالواإحنارَايحين
وِالوَطن
هوُه
اللى
باقى ... دَمنا مِش
غَالى
أبداً
إنتو
فِيكُو ... تِخَلدوة
وِفيكُو
بَرضُة
تِرَخصوة
بَس أوعَى ييجى
يوم
عَليكم
وتهينوة
غَصب عَنة عَم
حَمزة
دَمعة
فَرت
مِن ...... عِيينة
أصلة
شَاف
إن اللى
بَاقى مِ الثورةكَلام
واللى
فَاضل
مِن دَم
الشهيد مَرة وَاحدة
كَان
تعظيم
سَلام
عَ الشَاشَات . وفِى جَرايدة
صُورة
مِحَوطينها
بِكَلام
دَمعة تَانية .. بَس
حَامية
نَزلة
تِجرى
مِن ...... عِينية
قَام
بِسرَعة
وِرَاح
مَاسحَها ... أصلة
عَارف
كُل
حَاجة
وِكُل دة .. مَكتوب
أمَامة
فِى
جَرايدة
اللى بيبعهابِأيدية
يَعنى
خُلاصة
القصة
أنة الشهيد ..يوم مَاراح
عَ المِيدان
كَان مُجَرد .. كِلمة
مَكتوبة
فِى جَرايد
و يوم
مَامَات كلمةتانية
مكتوبة
فى
جَرايد
مِش كتير ... الفرق
لكن
الكِتَابة
يوم
مَارَاح كَانت خَط
كَبير
وِأحمر
ويوم
مَامَات ... سَودوا
شَكل
الجَرايد
عَم حَمزة ..هـاج ومَاج
قَام
وثَار
لَمَا شَاف مُظَاهرة
جَاية
بِتمسَح
صِور
الجَدار نَط .. فَط هية
هية
الوشوش
بِجَلابية ..وِبرِتُوش
إعترض
رَافع
إيدية
والصور .... قُدام عِينية
ثَورجى
بَاين عَلية
جَت لة طَلقة مِ المُظَاهرة
وِفى
لَحظة
قَضتت .... عَلية
غَطوة
بِنَفس
الجَرايد
عَم حَمزة ... كَان
زَمان
بَياع
جَرايد فى الميدان
ةةةةةة
بقلمى
((( الأستاذ المصرى )))
الشاعر
==== حمـــــــــــــــــــدى توفيـــــــق ====
ليست هناك تعليقات:
إرسال تعليق