.. حبك عنواني ...
،،،،،
،،،،،
وإن كان ذنبي اني حبيتك
فأنا بتمني لو يطول ذنبي
وطول العمر أكون بيتك
ويشيلك بين الضلوع قلبي
دا أنا جوه نن العين خبيتك
لحد ما تاه في الغرام دربي
ياما قبل وجودي استنيتك
ودعيت للقا في السجود ربي
علشانك سبت الكل وهويتك
وكل منايا انك تكون جنبي
حروف اسمي لو نطقها صوتك
بتشجيني وأدوب فيها من طربي
عينيك وإشارة الحرب دي اسمك
وفيك ياريتها ما تنتهي حربي
كل الناس متشبهة صورتك
وأنا مشغول بك في بعدي وقربي
يا عزوتي وسندي ومخدتي كتفك
وهواني على الشدة لو يكون كربي
حنية الأم على طفلها وأنا طفلك
يا راحة ما ليا لو يكون تعبي
يا جدر مغروس فيا وأنا أصلك
وكل النفوس بتحسدني على حبي
نبت وريدي وشرياني من قلبك
نبض اتخلق علشاني ويا سببي
حبك هو عنواني وانا سكنك
يا عشي فوق السحاب ويا سربي
....
ياسر بسيوني
ليست هناك تعليقات:
إرسال تعليق