يا أقصي.. بقلمي شعبان محمد الطحان
""""""""
سمعتك يا أقصى بتنآدي
وتقول فين ولآدي
فين أحفاد بن الخطاب
وولاد صلاح الدين
فين المجد إللي غاب
وبقى ذكره وحكاوي
""""""""""
ولادنا اليومين دول باروا
صاروا.... وعمرهم ماثاروا
ولا ع العرض غاروا
نادي يا أقصى مهما تنادي
صرنا أولاد ذوات
أصحاب بارات
أصحاب قهاوي ونوادي
""""""""""
يا عيني علينا
بعد م الغرب كان عبيد لينا
أصبحنا احنا العبيد
صار الوليد
حلمه قصة شعر
وفيلم جديد
وحبة قلوب وغناوي
وأصحاب الفتاوي
الشمال عملوه يمين
والدين بقى مش دين
نادي مهما تنادي
"""""""
الحلو بقى علقم
والمسلم أصبح مجرم
قليل الذوق والدين
بيقولوا!!!!!
يا عم سيبك عشلك يومين
خليك حر
واوعاك تمر
وخليك عادي
""""""""""""
بكره جي اليوم
اللي هانصحى فيه م النوم
على صوت مدفع ودبابه
على صوت أسود وديابه
بتآكل من غير استأذان
وبترفع أذآن
وتقول الله أكبر
عاليه ف كل مكان
سعيتها يا أقصى
تقول هما دول ولآدي
""'""""""
يا أقصي بقلم أبو رحاب الشاعر
ليست هناك تعليقات:
إرسال تعليق